طفلك

10 نصائح لصحه افضل لـ ابنك لو اقل من 10 سنوات

لو إبنك أقل من ١٠ سنوات نقدم لكى 10 نصائح من اجل صحة افضل لطفلك

10 نصائح لصحه افضل لـ ابنك لو اقل من 10 سنوات

١- إمنعى المياة الغازية بقدر الإمكان ، ولو مصمم ، يبقى مرة واحدة فى الإسبوع على الأكثر مش كل يوم !

٢- قللى من الأكل الجاهز لأنه فى الغالب ملوث بسموم بكتيرية واللى مش لازم تسبب تسمم غذائي ،
إنما بيكون ليه تأثير تراكمى بيظهر بعد كده.

اقرائ ايضا :- نصائح عن التربيه الجنسيه الصحيحه للاطفال

٣- المصاصات والبونبونى وماشابه كوارث حقيقية موجودة ، كلها ألوان صناعية غير صحية ، لو هتجيبى هاتى حاجة مصنوعة من مواد طبيعية غير صناعية ، اقرأى المكونات قبل ماتشترى.

٤- أغلب أنواع الشيكولاته الرخيصة مشغوشة ومش شيكولاته أصلا ،
لو هياكل شيوكلاته هاتيلهه حاجة من الأسماء الشهيرة اللى مكوناتها طبيعية حتى لو هتجيبى كمية أقل بسعر أعلى !

٥- علشان صحة إبنك العقلية ، قللى من إستخدامه للتليفون ، الفيديوهات ، التليفزيون ..
هيطلع عنده أعراض توحد حتى لو مش مصاب طبياً بالتوحد !

٦- لصحة إبنك البدنية والنفسية ، بعد الكورونا إن شاء الله خليه يشارك فى ألعاب جماعية ،
هيتعلم منها كتير ، هتفيده على المستوى البدني ، هيعرف يتعامل مع الناس.

اقرائ ايضا :- ازاى تخلى ابنك او بنتك يحبوا المذاكره ؟

 

٧- ماتركزيش معاه فى إنه يذاكر ويحفظ ، ركزى معاه إنه يلعب كويس ،
خليه يتمتع بطفولته بعيداً عن الضغوط الغير مبرره إنه لازم يحفظ ويتعلم ويذاكر ، مافيش مانع إنه يذاكر ويتعلم ، بس أكتر وقته خليه للعب !

٨- ماتحرجيش إبنك قدام حد ، ماتزعقيش بقدر الإمكان ، ماتسمحيش لحد إنه يتريق عليه أو يتنمر به أو يضربه أو يرفع صوته عليه.

٩- فى دراسة قرأتها زمان ، إن كثرة التواجد في الأماكن المفتوحة بتوسع إدراك الطفل وتخليه عنده سعة أفق ،
عكس التواجد المستمر في البيت…كل ده بعد الكورونا إن شاء الله.

١٠- الطفل يحب اللى يمدحه ويشجعه ويحتفل به ، فحافظى على ده معاه بشكل دورى.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى